Mayor Alden Avestruz
Barugo, Leyte Mayor Atty. Alden M. Avestruz (Right) with wife LEYECO II General Manager Macel Avestruz and son Reid Avestruz. Photo courtesy of Mayor Avestruz Facebook account.

Barugo, Leyte – Pormal na nga guin pasabot han incumbent mayor han Barugo, Leyte Atty. Alden Avestruz nga an iya asawa nga hi Maria Rosario “Macel” Avestruz amo it iya kandidato ka mayor hiton 2016 nga eleksyon.

Sumala kan Mayor Avestruz nga mag reretiro ka General Manager an iya asawa ha Leyeco II san-o mag tapos iton deadline han pag file han certificate of Candidacy han Oktubre 16 yana nga tuig kumo pangandaman hiton iya kandidatura.

Kon ano liwat an iya plano ha politika kahuman hiton iya termino ka Mayor sunod nga tuig, hi Mayor Avestruz in nag sering nga mabalik la anay hiya han iya propesyon kumo abogado agud maka bulig ngadto han mga nakinahanglan han iya serbisyo bisan kon waray na hiya ha pwesto.

Hi Mrs. Avestruz in nag serbisyo ha Leyeco II ha sakob hin beinte singko ka tuig ngan nag kapot hin magka lainlain nga posisyon san-o na appoint nga General Manager hadton 2013 kahuman mag retire an hadto anay General Manager Atty. Jerry Conde.

Sumala han mga impormasyon nga nahikay han isumat.com ha bungto han Barugo nga iton incumbent Vice Mayor yana nga hi Dory Boyd amo iton makaka atbang ni Avestruz pagka Mayor han bungto.

Pamatii an interview kan Barugo, Leyte Mayor Alden Avestruz.