(file photo)

Isumat.com/Agosto 19, 2021

Nasikop na han mga otoridad an langyawanon nga suspetsado hin pakatudol ngan kamatay hin usa nga motorista ha Naval, Biliran.

Ginkilala an suspetsado nga hi Scott Franzen, 60 anyos nga Amerikano, samtang an namatay nga biktima amo hi Ceferino Mangaporo, residente han Brgy Larrazabal han nasabi nga bungto.

Dida han alas 4:30 han maagahon, Agosto 18, hi Franzen in nagmamaneho han iya Ford Focus nga kotse han aksidente nga matudol niya an nagmomotor nga hi Mangaporo. Sumala hin usa nga testigo, katapos han insidente, humaw-as han iya sarakyan hi Franzen ngan waray manginano han biktima ngan kadagmitan nga umiskapo.

Nagdumara hin paghalpat an mga kapulisan ngan ira nadakop an suspetsado pasado alas 3 han kulop ha Brown Beach Resort, Brgy Agpangi, Naval.

Hi Franzen in aada na ha kustudiya han Naval PNP ngan nakatalaan sampaan han kaangayan nga mga kaso.