TACLOBAN CITY – Duha nga mga wanted person nga nga langyawanun an nadakop han nga otoridad ha Probinsya han Leyte.
Una nga nadakop dida han August 29 an British national nga hi Robert Evans, alias ‘Roger Vernon’,62 anyos nga taga United Kingdom
Nadakop hi Evans ha Baranggay San Roque Mahaplag, Leyte mahuman ini nga ma-trace ha facebook han mga otoridad ha UK.
Nabaruan nga mayda patong-patong nga kaso hin panlugos hi Evans ha mga menor de edad.
Naabot naman ha pito kutob walo katuig an pagpabilin hini ha mao nga bungto kaupod an iya asawa nga Pilipino.
Samtang dida han Setyembre 1 (Biyernes) han pa-serbihan han Bureau of Immigration(BI) hin arrest warrant an suspek nga hi Tipton Shea McMahon, 30 anyos, wanted para ha pagpatay ha iya step-father ha Harris County, Texas.
Hi McMahon in nadakop ha bungto han Abuyog, Leyte.
Wanted hi McMahon para ha kaso nga murder mahuman hini nga patayun an iya tatay-tayan pito na ka tuig an nakakalabay.
Mahuman nga makapagyansa ngan matagan hin temporaryo nga kagawasan in tigda ini nga umiskapo.
Oct 2 han kumanhi ini ha Pilipinas ngan tikang hadto in waray na ini bumalik ha ira nasud.
Samtang ha pagkayana in nagpapabilin an duha nga foreign national ha Bicutan pending deportation ngan nakatalaan nga ipa-deport ha ira tagsa nga mga nasud.
Photo credits to: Mahaplag PNP and Facebook contibutor
