no-to-drugsTacloban City – Ano gud nga ahensiya hiton gobyerno iton may responsibilidad pag patuman han community based rehabilitation program para han mga nag surrender nga nahidabi han illegal Drugs?
An Department of the Interior and Local Government (DILG) ba? Dapartment of Health (DOH)? O kon an Department of Social Welfare and Development (DSWD)?

Sumala kan DILG Assistant Regional Director Artemio Caneja nga deri na hira an lead agency han mao nga programa kundi an DSWD ngan DOH na, mahitungod nga amo ini an mga ahensiya han gobyerno nga makakahatag han panginahanglan han mga nag surrender nga mga illegal drugs offenders.

Pero deri liwat karuyag sidngon ngan waray na nira partisipasyon han kampanya kontra illegal nga droga han Duterte administration mahitungod nga hira an lead agency han implementasyon han “ Mamamayan Ayaw Sa Korapsyon ngan Mamamayan Ayaw Sa Droga (MASA MASID) nga programa han gobyerno.

An DILG amo an naghimo han community based rehabilitation program para han mga drug surrenderers nga ipapatuman unta ha mga local government units.
Pamati han interview han isumat.com kan Assistant Regional Director Caneja.