TACLOBAN CITY — Dead on the spot an usa nga baranggay Kagawad mahuman nga pagpamumusilon han waray pa makilal-i nga mga suspek ha Brgy. Alejandrea, Jiabong, Samar. 
Ginkilala an biktima nga hi Raulito Romana Jabien, 47 anyos ngan residente han mao nga lugar.
Subay ha imbestigasyon han Kapulisan nga nagbabaligya hin pandesal an biktima sakay han iya Single nga motorsiklo han tigda la ini tambangan han waray makilal-i nga mga suspek.
Nakag-angkon hin damo nga igo ha ulo ngan magkadurudilain nga parte han lawas an biktima.
Nabaruan nga an anay miyembro han New Peoples Army (NPA) an mao nga biktima nga maiha na daw nga nagbalik ha gobyerno.
Ha pagkayana in padayun pa an ginbubuhat nga imbestigasyon han mga kapulisan ha mao nga insidente./isumat.com
