Tacloban City – Na release ngan nagastos an kuarta pero waray proyekto nga naka dangat ngadto han mga benificiaries.
Ini an nagin findings han office of the ombudsman kon guin ano pag gastos an pundo nga nag kakantidad hin 24 Milliom Pesos tikang han 2007 Priority Development Assistance Fund ni anay Leyte 3rd District Congressman Eduardo Veloso pinaagi han Technology Resource Center (TRC) kumo implementing agency.
Dida han guin dumara nga imbestigasyon gin diwara han mga local officials nga mayda nira pundo nga nakarawat nga para unta hin mga livelyhood projects nga tikang han PDAF han kongresista.
Nasabutan gihapon nga an Non Government Organization nga partner ha pag patuman han mao nga mga proyekto nga amo an Aaron Foundation Philippines, Inc. (AFPI), in waray kapas pinansyal nga mag patuman hin multi million projects mahitungod nga an kapital la hini in nag kakantidad la hin 68 thousand pesos.
Sumala han ombudsman madig-on na ini nga basehan agud kasohan an anay congressman hin two counts han paka talapas han Section 3(e) of the Anti-Graft and Corrupt Practices Act, ngan two counts liwat hin malversation of public funds.
Kakasohan gihapon han ombudsman an mga officials han TRC nga hira Antonio Ortiz, Dennis Cunanan, Marivic Jover, Francisco Figura and Maria Rosalinda Lacsamana.
