TACLOBAN CITY – Arestado an Number 3 Most Wanted Person ha lugar han Arteche, Samar ha gindumara nga manhunt operation han mga otoridad ha Barangay Kan-isak, Barugo, Leyte.
Guinkilala an suspek nga hi Jun-jun Sergento Oria, 23 anyos ngan residente han Brgy. Tangbo, Arteche, Eastern Samar.
Hi Oria in mayda kaso nga rape nga nadakop mahuman nga igserbi an Warrant of Arrest CC.No. 2016-111 nga gin-isyu han Regional Trial Court, Branch 5, han Oras, Eastern Samar.
Ha pagkayana in nakapaslak na an mao nga Suspek ha Barugo PNP./isumat.com
