TACLOBAN CITY – Nagpapadayun ha pagkayana an ginbubuhat nga imbestigasyon han mga kapulisan ha Probinsya han Samar mahuman an natabo nga pan-aambush ha Purok 7, Barangay Carayman, Calbayog city, Samar Lunes, Hulyo 17.

Manunumduman nga ha mao nga insidente in patay an usa nga empleyado han Municipal Trial Court ngan usa pa nga Sibilyan.

Ginpahayag ni PSSupt Nicolas Torre, Provincial Director han Samar Police Provincial Office (SPPO), nga an mga biktima in ginkilala nga hira

1. Reynaldo Daguman, empleyado han Municipal Trial Court ha Sta. Margarita, Samar

2.Randy Ramos, usa nga sibilyan

Ada naman ha kritikal an kondisyon yana han pulis nga hi SPO3 Joel Calagos nga nakag-angkun hin lima ka bala ha lawas.

Sumala pa kan Torre nga posible nga target la han mga suspek an mao nga pulis ngan nadamay la an iba nga mga biktima.

Sumala pa hini nga ugsa manabo an mao nga insidente in una anay nga nagbuhat hin drug operation an grupo ni SPO3 Calagos ala kontra ha drug suspect nga muslim.

Padayun naman an imbestigasyon bahin han mao nga insidente.