Tanauan Leyte – Pag pina ngawat han mga construction materials an usa nga rason han ka delatar han pag patuman han construction han usa nga parte han Tanauan Public market nga naguba han bagyo yolanda.
Ini an iguin sumat ni Engineer Raul Soliva an municipal engineer han mao nga bungto ha interview han isumat.com.
An impormasyon parti han mga pangawat in tikang mismo han contractor han proyekto.
Sumala kan Soliva nga iya na guin hangyo an contractor han mao nga proyekto nga ipadangat ha mga kapulisan an mga kaso hin pangawat agud matagan hin kaangayan nga aksyon han mga otoridad.
47 Milyones an kantidad han mao nga proyekto tikang han Rehabilitation Assistance on Yolanda nga pundo han national government pinaagi han DILG ngan iguin papatuman liwat han munisipyo.
Han nag labay pa nga tuig guin dumara an ground breaking pero aada pala ha mga 50 porsiyento iton accomplishment ha pagka yana.
Pamatii an interview kan Engineer Raul Soliva.
