Mayor-Catalina-Agda
Tunga, Leyte Mayor Catalina Agda.

Tacloban City – Guin kwestiyon han Commision On Audit ha guin dumara nga audit ha munisipyo han Tunga, Leyte han waray pag sunod hini han eksakto nga proseso han pag palit hin tuna, mga equipment ngan medisina nga nag kakantidad hin 4.2 Million Pesos hadton nag labay nga tuig 2014.

Sumala han COA audit report nga pumalit hin 4,000 sq. meters hin tuna an munisipyo ha kantidad nga 1.6 Million Pesos nga waray independent Appraisal Report o Resolution tikang hin committe nga amo an manginginano han eksakto nga presyo han tuna hinungdan nga kwestiyonable an presyo han pag palit hini.

Sumala pa han COA nga na tag 400.00 pesos per sq. meter an kapalit han mao nga tuna pero an Zonal valuation per square meter ha Barangay San Pedro in tag 125.00 pesos la kada square meter para hin residential lot ngan an iba nga parti in mga agricultural land na nga an zonal valuation in tag 17.50 ngadto ha 32.50 per sq. meter la.

An munisipyo in pumalit gihapon hin mga IT equipment ngan camera nga waray Bids and Awards Committe resolution, waray abstract of canvass, waray signature han canvasser an Price Quatation Request ngan waray acknowledgement Receipt han end user han mao nga mga equipment.

Pumalit liwat an munisipyo hin mga Medisina nga nakantidad hin 700,000 pesos ha Diamond Head Pharma nga waray Purchase Request , waray inspection ngan acceptance Report pero pirmado han municipal accountant an certification nga kompleto an mga dokumento han mga ini bisan kon dire.Waray mag hatag hin comment an Municipal Accountant han pamakianhi han mga taga COA.

Waray pa mag hatag han iya opisyal nga pahayag hi Mayor Catalina Agda han bungto han Tunga parti hini nga findings han COA.

An Bungto han Tunga in usa nga 4th class municipality ha 2nd district han Leyte nga mayda 8 nga barangay ngan budget appropriation nga 32 million han 2013.

 

Reference: COA Audit Report 2015