Kinahanglan nga bag-uhon na iton probisyon han balaod nga nag tatakda kon pira la an pwede gastuson han mga kandidadato ngan partido kada botante ha panahon han eleksyon.

Sumala ka Atty. Maria Goretti Canas an City Election Officer han Tacloban City Comelec ha interview han 99.1 RMN Tacloban,nga gutiay na an tres pesos nga pwede gastuson han kada kandidato nga may partido kada botante samtang singko pesos naman an mga independent candidate ngan han mga party list groups.

Mahitungod hini deri na ag tutugma an mga datos nga sinusurat ha mga Certificate of Contributions and Expenditures (SOCE) han mga kandidato ngan han tinuod nga ginastos han mga ini ha panahon han eleksyon.

Mahitungod hini deri ma lilikyan nga mag binuwa an mga kandidato han pag report han ira tinuod nga ginastos agud la deri maka talapas han iguin lalarang ha balaod sumala pa kan Canas.

Subay hiton Omnibus Election Code, obligado an kada kandidato na pirde man on nag daug nga mag submiter han ira SOCE han guin talaan nga deadline nga amo an Hunyo 12 para han nag labay nga Mayo 13 nga eleksyon.