Leyte 2nd district congressman Sergio A. Apostol.
Leyte 2nd district congressman Sergio A. Apostol.

Tacloban City – “Ma re-elect ako ka congressman, ka board member hi Ebbie ngan ka Mayor hit Carigara hi Anlie” amo in an naguin baton ni Leyte 2nd district Congressman Serging Apostol ha interview haiya han isumat.com.

Pero ma depende pa ini hiton ira mga ka partido kon ma suporta han ira plano pag kandidato han mao nga mga posisyon.

Parti naman liwat han plano nga pagkandidato ka congressman han manghud nga bugto ni Carigara Mayor Eduardo “Boy” Ong nga hi Henry Ong, hi Apostol in nag sering nga deri pa hiya sayod han mao nga notisya pero deri niya pupudngan an bisan hino nga tawo nga ma kontra hiton iya kandidatura mahitungod kay demokrasya man iton aton pan gobyernohan.

Parti han issue kon ira na utro guin karawat ha ira pamilya an ira anak nga hi Board member Anlie Apostol kahuman ini nga tahapan nga naguin hinungdan han kapierde han iya apo nga hi tonette Apostol pagka mayor han Carigara han nag labay nga 2013 election, hi Apostol in nag sering nga waray na problema kay amo ngani nga amo it ira pa kakandidatuhon ka Mayor han mao nga bungto sunod nga election.

An Pamilya Apostol in maiha na nga nag serbisyo ha 2nd district hit Leyte ha magka lainlain nga pwesto.
Hi Congressman Serging Apostol in ma desi otso na ka tuig kumo congressman, an iya asawa Trinidad “Ebbie”Apostol nag Vice Governor han Leyte hin usa ka termino, 9 ka tuig nga naguin congresswoman, ngan naguin Mayor han Carigara.

An ira naman anak nga hi Anlie Apostol, naguin mayor hin 2 ka termino han Carigara ngan 2 ka termino kumo board member han 2nd district han Leyte.

Pamatii an interview kan Leyte 2nd district congressman Serging Apostol.