Isumat.com/3:49PM, September 27, 2020

Ginhahalpat na yana han mga tinubyanan han balaud an mga suspetsado nga nanmusil ngan nakamatay hin duha nga pulis didto ha Northern Samar.

Dida han report nga nahikay han Isumat.com, hira Patrolman Jessie Golondrino ngan Patrolman Fernando Velarde an naawat an kinabuhi tungod hin mga igo hin bala han magresponde hira hin impormasyon mahitungod hin armado nga kalalakin-an nga nagkakarga hin iligal nga pinangutod nga kahoy ha Brgy Buenavista, San Isidro, Northern Samar.

Pasado alas 10 kagab-i (Sabado, Setyembre 26) hira Golondrina ngan Velarde in pumakadto han nasabi nga lugar basi panginanoon kun tinood an report nga ira nakarawat han tigda la hira paarakan hin bala han mga suspetsado.

Kadagmitan nga gindara ha usa nga hospital ha Calbayog an mga biktima pero igindeklarar hira nga Dead on Arrival han mga doktor.

An 30-anyos nga hi Golondrina ug an 25-anyos ngahi Velarde in kaapi han Regional Mobile Force Battalion. #