Isumat.com/ Enero 6, 2022
Naawat an kinabuhi hin usa nga 56-anyos nga babaye han matudol hin behikulo kakulop, Enero 5, 2023 ha Brgy Baruguhay Central, Carigara, Leyte.
Ha inisyal nga imbestigasyon, pasado alas 8 han gab-i, samtang makusog an uuran, an biktima in tumabok han kalsada ngan aksidente nga natudol han naagi nga Nissan Tierra nga ginmamaneho-an ni Antonio Salazar, residente han Palompon, Leyte.
Gintalinguha nga madara ha Carigara District Hospital an biktima pero igindeklarar nga dead on arrival han attending physician.
Didto naman ha Calbayog City, waray na makagawas han nasusunog nga balay in usa nga ulitawohay hinungdan han iya kamatay.
Ginkilala an biktima nga hi John Lawrence Montes, 14-anyos, residente han Brgy Capoocan han nasabi nga syudad.
Nahitabo an sunog pasado ala 1 han maagahon hadton Enero 4, 2023. An BFP-Calbayog City in nag-iimbestigar pa han gintikangan han kalayo. #
